अधिक मास (मलमास) विशेष
काय करावे · काय टाळावे · दान-श्राद्ध नियम
🙏 पुरुषोत्तम मास म्हणजे भगवान विष्णूंना समर्पित अत्यंत पवित्र महिना. या महिन्यात योग्य आचरण, दान आणि भक्ती यांद्वारे विशेष पुण्य प्राप्त होते. शास्त्रानुसार कोणती कार्ये करावीत आणि कोणती टाळावीत, याचे संपूर्ण मार्गदर्शन येथे दिले आहे.
अधिक मासात कोणती कामे करावीत आणि कोणती नाही?
- नित्य व नैमित्तिक कर्मे — दररोजची नित्यकर्मे न चुकता करावीत
- ज्वरशांती व पर्जन्येष्टी — आजारपण दूर व पावसासाठीचे यज्ञ
- संस्कार कार्ये — जातकर्म, नामकर्म, अन्नप्राशन, देव-पुनःप्रतिष्ठा
- श्राद्ध व तीर्थविधी — ग्रहणश्राद्ध, तीर्थश्राद्ध, दर्शश्राद्ध, नित्यश्राद्ध
- पवित्र क्षेत्रातील विधी — गंगा, गोदावरी, गया येथे नारायणनागबली, त्रिपिंडी श्राद्ध
- नवीन काम्यकर्मांची सुरुवात/सांगता — फलप्राप्तीसाठी नवीन कर्म नको
- गृहआरंभ व वास्तूशांत — नवीन घराचे बांधकाम व गृहप्रवेश नको
- विवाह (लग्न) — या महिन्यात करू नये
- उपनयन (मुंज) व चौल (जावळ) — हे संस्कार टाळावेत
- संन्यास, नूतन व्रत व दीक्षाग्रहण — नवीन दीक्षा घेऊ नये
- नवीन देवप्रतिष्ठा — प्रथमप्रतिष्ठापना करू नये
अधिक मास असताना ‘श्राद्ध’ केव्हा करावे?
ज्या महिन्यामध्ये एखाद्या व्यक्तीचे निधन झाले असेल, तोच महिना जर पुढे ‘अधिकमास’ म्हणून आला, तरच त्याचे प्रथम वर्षश्राद्ध त्या अधिक महिन्यात करावे.
समजा एखाद्या व्यक्तीचा मृत्यू शके १९४७ च्या ज्येष्ठ महिन्यात झाला असेल. चालू वर्ष शके १९४८ मध्ये जर ‘अधिक ज्येष्ठ महिना’ आला असेल, तर त्या व्यक्तीचे प्रथम वर्षश्राद्ध — शके १९४८ च्या अधिक ज्येष्ठ महिन्यातील त्याच तिथीला करावे.
अधिक मासातील दान — शास्त्रोक्त संकल्प
अधिक मासात कोणतेही दान (उदा. ३३ अनारसे, दीपदान, अन्नदान) करताना हातामध्ये पाणी, अक्षता आणि फूल घेऊन हा संकल्प करावा:
विष्णुविष्णूर्विष्णुः श्रीमद्भगवतो महापुरुषस्य विष्णोराज्ञया प्रवर्तमानस्य अद्य ब्रह्मणि द्वितीये परार्धे, श्रीश्वेतवाराहकल्पे, वैवस्वतमन्वंतरे, अष्टाविंशतितमे कलियुगे, कलिप्रथमचरणे, जम्बूद्वीपे, भरतवर्षे, भरतखंडे, दख्खनदेशे… (येथे तुमच्या शहराचे/गावाचे नाव घ्यावे) संवत… (चालू संवत्सर) पुरुषोत्तम (अधिक) मासे, शुभतिथौ, श्रीकृष्ण प्रीत्यर्थं, मम आत्मनः श्रुति-स्मृति-पुराणोक्त फलप्राप्त्यर्थं…
…मलमासप्रयुक्तं अपूपदानं करिष्ये।
इदं सोपस्करं त्रयस्त्रिंशदपूपदानं सदक्षिणाकं सतांबूलं पुरुषोत्तम प्रीतिकामस्तुभ्यमहं संप्रददे।।
“मी (स्वतःचे पूर्ण नाव घ्यावे), आज या पवित्र पुरुषोत्तम (अधिक) मासामध्ये, भगवान विष्णू आणि श्रीकृष्ण यांच्या प्रसन्नतेसाठी, माझ्या हाताने कळत-नकळत झालेल्या पापांच्या नाशासाठी, या महिन्यात शास्त्रानुसार वर्ज्य असलेली कामे न करता केवळ विहित सत्कर्मांचे आचरण करत आहे.
माझ्या घरामध्ये सुख, शांती, धनधान्य आणि उत्तम आरोग्य लाभावे म्हणून मी हे ३३ अनारशांचे (किंवा जे दान असेल ते) वाण पूर्ण श्रद्धेने अर्पण करत आहे. हे दान भगवान पुरुषोत्तमाच्या चरणी समर्पित असो.
॥ इदम न मम ॥ — हे माझे नाही, ईश्वराचे आहे.”
✨ जो ३३ अनारशांचे (अपूप) दान देईल त्याला पुत्रपौत्र व विपुल संपत्ती प्राप्त होईल — शास्त्रवचन ✨
🕉️ वेदश्री ज्योतिष
अचूक कुंडली विश्लेषण आणि ज्योतिषीय मार्गदर्शनासाठी आमच्याशी संपर्क करा
🌐 www.vedashreejyotish.com
